پەرلەمانی ئەوروپا بە زۆرینەی دەنگ پێشنیارەکەی کۆمسیۆنی یەکێتی ئەوروپای پەسەند کرد و لە ساڵی 2035ەوە فرۆشتنی ئۆتۆمبێلی بەنزین و دیزل قەدەغە دەکات.
پێشنیارەکە لەلایەن لیژنەی یەکێتی ئەوروپا، دەستەی جێبەجێکاری یەکێتی ئەوروپا، ساڵی ڕابردوو ڕەزامەندی لە دەستەی یاسادانانی پەرلەمانی ئەوروپا وەرگرت. بۆ ئەوەی پرۆژەیاساکە بچێتە بواری جێبەجێکردنەوە، دەبێت دانوستان لەگەڵ وڵاتانی ئەندام ئەنجام بدرێت لە کۆتایی مانگدا، وڵاتانی ئەندام هەڵوێستی خۆیان لەسەر پرۆژەیاساکە دیاری دەکەن و کۆمسیۆنی یەکێتی ئەوروپا ئاگادار دەکەنەوە و بەدواگەڕانی کۆدەنگی دەستپێدەکات.
پێشنیاری لێژنەکە پێشبینی کرد کە لە سەدا 100ی دەرچوونی ئۆکسیدی کاربۆن لە ترافیکدا بەم بڕیارە کەم دەبێتەوە. کۆمیسیۆن دەیەوێت تا ساڵی 2030 لەسەدا 55 کەمبکرێتەوە، لەگەڵ هەنگاوی یەکلاکەرەوەی زیاتر لە پیشەسازی و وزە، هەروەها لە هاتوچۆدا، بەتایبەتی فراوانبوونی تۆڕی ئۆتۆمبێلی کارەبایی. لە گەڵ ئەم ئامانجەدا لێکۆڵینەوەیەکی یاسادانانی جیا هەیە بۆ پەرەپێدانی ژێرخانی بارگاوی بۆ ئۆتۆمبێلی کارەبایی.
