“لە کردارەکانی 6ی کانوونی دووەمی ترەمپ دەکۆڵرێتەوە”
بەپێی ڕاپۆرتەکانی میدیاکانی ئەمریکا، وەزارەتی داد لێکۆڵینەوە لە هەوڵەکانی سەرۆکی پێشووی دۆناڵد ترەمپ دەکات دەربارەی هێرشەکەی سەر کۆنگرێسی ئەمریکا لە 6ی کانونی دووەم دوای شکستهێنانی لە بردنەوەی هەڵبژاردنەکانی ساڵی 2020.
هەواڵەکە بۆ یەکەم جار لەلایەن واشنتۆن پۆستەوە دوێنێ شەو ڕاگەیەندرا، ڕاپۆرتەکە ئاماژەی داوە بەوەی کە چاوپێکەوتن لەگەڵ ترەمپ و پارێزەرەکانی و کەسانی نزیکی دەکرێت.
بەپێی ڕاپۆرتەکە، داواکاری گشتی بەشی داد هەروەها پێداچوونەوە بە تۆماری تەلەفۆنی بەرپرسانی سەرەکی دەکەن، لەوانە مارک میدۆوس، سەرۆکی پێشووی ئەرکانی ئەمریکا.
وەزارەتی داد ماوەیەکە چاوپێکەوتنی لەگەڵ بەرپرسانی پێشووی کۆشکی سپی دەستپێکردووە.
بەم دواییانە ئاشکرا بوو کە مارک شورت، یاریدەدەری جێگری سەرۆکی پێشوو، مایک پێنس، هەفتەی ڕابردوو شایەتی داوە بە دەستەی سوێندخۆرانی فیدڕاڵی لە لێکۆڵینەوە لە هێرشەکەی 6ی کانوونی دووەم بۆ سەر کۆنگرێس.
واشنتۆن پۆست بڵاویکردەوە، لەبەردەم دەستەی سوێندخۆرانی گەورەدا، داواکاری گشتی پرسیاری لە شایەتحاڵەکان کردووە دەربارەی چاوپێکەوتنەکانیان لەگەڵ ترەمپ.
لێکۆڵینەوەکە چڕتر دەبێتەوە
ئەوەی کە سکرتێری گشتی جێگری سەرۆکی پێشووی مایک پێنس ئیفادەی بۆ دەستەی سوێندخواردنی فیدراڵی داوە، وەک نیشانەیەک لێکدەدرێتەوە کە وەزارەتی داد لێکۆڵینەوەکانی چڕتر دەکاتەوە لە هێرشەکەی سەر کۆنگرێس و هەوڵەکانی هەندێک لە کەسە نزیکەکانی ترەمپ بۆ دیاریکردنی نوێنەری ساختە لە لیژنەی هەڵبژاردنەکان بۆ دەستکاریکردنی ئەنجامەکانی هەڵبژاردنەکان.
هیچ ڕوونکردنەوەیەک لە وەزارەتی داد لەبارەی ئەو وردەکاریانەوە نەخراوەتەڕوو.
وتەبێژی ترەمپیش ڕەتیکردەوە کە لێدوان بدات لەسەر ئەو پێشکەوتنانە.
وەزیری داد: “تەنها فشار لەسەر ئێمە، فشارە بۆ ئەنجامدانی کاری دروست”
لە چاوپێکەوتنێکی تایبەتدا لەگەڵ لێستەر هۆڵت لە کەناڵی ئێن بی سی نیوز، مێریک گارلاند وەزیری داد وتی “لە پلانماندایە لێپرسینەوە لەو کەسانە بکەین کە لە ڕووی تاوانەوە بەرپرسیارن لە دەستوەردان لە گواستنەوەی ئاشتیانەی دەسەڵات لە ئیدارەیەکەوە بۆ ئیدارەیەکی دیکە”.
گارلاند هەفتەی ڕابردوو لێدوانی هاوشێوەی دا و وتی کە هیچ کەسێک لە سەرووی یاساوە نییە.
داواکاری گشتی گارلاند بە کەناڵی NBCی وتووە: “تەنها فشارێک کە من و داواکاری گشتیەکانم هەستی پێدەکەین، فشارە بۆ ئەنجامدانی کارێکی دروست. تەنها بەم شێوەیە دەتوانین سەروەری یاسا مسۆگەر بکەین. بەم شێوەیە دەتوانین متمانەی خەڵک بە سەروەری یاسا بپارێزین کە بەشێکی گرنگی دیموکراسیمانە”.
