چاوشئۆغڵو: پێویستە ڕژێمی سوریا و ئۆپۆزسیۆن ڕێکبکەون
وەزیری دەرەوە چاوشئۆغڵو لەبارەی پەیوەندییەکانی نێوان ئیدارەی دیمەشق و تورکیا لە کۆنگرەیەکی ڕۆژنامەوانی هاوبەشدا لەگەڵ ئێدگارس رینکێڤیکس وەزیری دەرەوەی لاتڤیا قسەی کرد و وتی کە پێویستە ڕژێم و ئۆپۆزسیۆن ڕێکبکەون.
مەولووت چاوشئۆغڵو وتی: “چارەسەری هەمیشەیی لە سوریا چارەسەرێکی سیاسییە پێویستە ڕژێم و ئۆپۆزسیۆن ڕێکبکەون ئێمە بەرگری لە یەکپارچەیی خاکی سوریا دەکەین (لە سوریا) ئۆپۆزسیۆن پشت بەتورکیا دەبەستن و هەرگیز وازمان لێنەهێناون بەڵام گوتمان ئاشتەوایی بۆ سەقامگیرییەکی بەردەوام و ئاشتی لەسوریا گرنگە”.
چاوشئۆغڵو گوتی: وشەی ڕێکەوتنم بەکارهێنا نەک ئاشتبوونەوە. ئەوانەی دەیانویست ئەم پرسە لە سوریا و تورکیا زیاتر بکەن قسەکانی ئێمەیان شێواند ئەوانەی دەیانەوێت بیشێوێنن دەتوانن بیشێوێنن ئێمە دەزانین کە شێوێنەرەکان کێن. دەستی ئەو کەسانەی دەست لەسەر ئاڵاکەمان دائەنێن دەشکێنرێن”.
هەڵسەنگاندنی پشتیوانی سەرۆکی مەهەپە دەولەت باخچەلی بۆ باشکردنی پەیوەندییەکان لەگەڵ دیمەشق، چاوشئۆغڵو گوتی: سوپاسی بەڕێز باخچەلی دەکەین
باخچەلی چی وت؟
سەرۆکی مەهەپە دەولەت باخچەلی ڕۆژی دیکە گوتی: وشە دروستکەر و واقیعییەکانی وەزیری دەرەوەمان لەسەر بەرقەرارکردنی ئاشتی نێوان ئۆپۆزسیۆنی سوریا و ڕژێمی ئەسەد تازەیە بۆ گەڕان بەدوای چارەسەرێکی بەردەوام.
