پێشڕەوییەکانی چەکدارانی تاڵیبان بە مەبەستی کۆنتڕۆڵ کردنی تەواوی خاکی ئەفغانستان بەردەوامە. شاری مەزاری شەریف کە یەکێکە لە شارە گەورەکانی ئەفغانستان و کۆتا شاری ژێر دەسەڵاتی حکومەتی ئەفغانستان بوو لە باکوری وڵات، کەوتە دەست چەکدارانی تاڵیبان.
شایانی باسە تەنها ٢ ڕۆژ پێش ئێستا ئەشرەف غەنی سەرۆک کۆماری ئەفغانستان سەردانی شاری مەزاری شەریفی کرد.
شاری مەزاری شەریف بە چوارەم گەورەترین شاری ئەفغانستان دادەنرێت و بە بێ هیچ شەڕ و پێکدادانێک لە لایەن تاڵیبانەوە کۆنتڕۆڵ کرا.
بەرپرسێکی حکومەتی ئەمریکا بە میدیای وڵاتەکەی ڕاگەیاند کە هێزەکانی تاڵیبان گەیشتوونەتە ناوچەی چار ئەسیاب کە تەنها ١١ کیلۆمەتر لە شاری کابولی پایتەختی ئەفغانستانەوە دوورە.
