ئاژانسی دەنگوباسی دەوڵەتی ڕووسیا ریا نۆڤستی بە هەڵە وتارێکی بڵاوکردەوە کە ئاهەنگی سەرکەوتنی ڕووسیا لە ئۆکرانیا دەگێرێت. وتارەکە پاش ماوەیەکی کەم سڕایەوە.
لە وتارەکەدا پیرۆزبایی لە ڤلادیمیر پوتینی سەرۆکی ڕووسیا کراوە بۆ “چارەسەرکردنی کێشەکە” و تێیدا هاتووە کە “ئۆکرانیا بە کردەوەی سەربازی گەڕاوەتەوە بۆ سەر ڕووسیا”. لێدوانەکانی ناو وتارەکە ئاماژە بەوە دەکەن کە نووسەرەکە پێشبینی کردووە کە ڕووسیا بەم زووانە ئۆکرانیا کۆنتڕۆڵ دەکات.
بی بی سی ڕایگەیاند کە بابەتەکە پێدەچێت “پێشوەختە” بڵاوبووبێتەوە.
وتارەکە بە ناونیشانی “گەیشتنی ڕووسیا و جیهانی نوێ” هێشتا لە هەندێک سایتی ئەرشیفدا ماوەتەوە. وشەی ڕووسی ‘nastuplenye’ کە لێرە بە مانای گەیشتن بەکاردێت، وشەیەکی هاوواتایە، بە واتای هێرشکردنیش دێت.
زۆرێک لە بەکارهێنەرانی تویتەر وتیان کە ئەم وتارە وتارێکە کە دەبێت بڵاوبکرێتەوە ئەگەر ڕووسیا دەستی بەسەر ئۆکرانیادا گرت.
پتر ئاکۆپۆڤ بە لێدوان لەسەر وتارەکە نوسیویەتی “ڕووسیا کارەساتی هەڵوەشانەوەی سۆڤیەتی لە ساڵی 1991 ڕاستکردەوە و گەڕایەوە بۆ سەرکردایەتی کردنی فەرمانی نوێی جیهانی”.
